«Көкжар ізімен»

Тамыз айының 24-25 күндері Көкжар жәрмеңкесінің 150 жылдығына орай Ойыл аудандық жастар ресурстық орталығының жетекшілігімен «Көкжар ізімен» атты экспедиция ұйымдастырылды. Әр ауданнан тарихшы, өлкетанушы, Жастар орталығынан қызметкер экспедицияға қатысып, Ойыл ауданының тарихи-мәдени ескерткіштерін аралады.

«Мектепке жол акциясы»

Әйтеке  би  аудандық «Халықтар  достығы»  музейі  және  аудандық  статистика    бөлімі  2017 жылдың 1 тамыз-30  қыркүйек  аралығында  өтетін  «Мектепке жол»  дәстүрлі  жалпы республикалық  қайырымдылық  акциясына  Т.Жүргенов  атындағы  орта  мектебінің   5 класс  оқушысы  Сәкенқызы  А-ға  демеушілік  көрсетіліп, ата-анасы  мен  оқушы  ризашылығана  бөленді.

«Айбарлы асқар елді асқақтатар Ата заң»

Көк туым көтерілді бағым жанып,
Елтаңбам төрде әлемге танылды анық.
Шырқадым әнұранды бар дауыспен,
Арманым Ата Заңым қабылданып. 

 

Әйтеке би  аудандық  «Халықтар  достығы»  музейінде  29 тамыз Конституция күніне орай «Айбарлы асқар елді асқақтатар  Ата заң»атты танымдық   шара  өткізілді.Танымдық   шараға  заң  қызметкерлері мен  мекеме  қызметкерлері шақырылды.

Мақсаты: Ата Заң жайлы ұғым түсініктерін қалыптастыру, онда бекітілген негізгі міндеттері мен құқықтары атты тараулармен таныстыру. Адамның ең қымбат қазына екендігін, оның өмірімен, құқықтарымен таныстыру, Ата Заңға деген сүйіспеншілік сезімін қалыптастыру арқылы адамгершілігі мол, парасатты тұлғаны тәрбиелеу. Өткізілген  шарада  қатысушылар С.Қабдылдаұлы, Г.Есмағамбетқызы  өз  пікірлерін  ортаға  салды. Музей  директоры  Д.Ильясова  мемлекетіміздің құрылымын айғақтап,барлық заң негіздерінің бастауы болып отырған Конституция күнімен құттықтай  отырып.

Қазақстан-Ақтөбе телеарнасы Әйтеке би жерінде

2 тамыз күні Қазақстан-Ақтөбе телеарнасы өз жоспарларының негізінде, Әйтеке би жерінің тарихын, мәдениетін, экономикасын ақпараттық хабар ретінде дайындау мақсатында келген болатын. 8 адамнан тұратын түсіру тобын аудандық ішкі саясат бөлімінің басшысы Г.Барлыққызы мен Әйтеке би аудындық музей қызметкері А.Жалмуханбетов күтіп алып, өлке тарихынан сыр шертетін мекендерге жол бастады.

«Туған жерге тағзым»

«Туған жерге  тағзым»   акциясы  аясында  Әйтеке би  аудандық   «Халықтар достығы»  музейі  ауылдық  жерлерге  музей  жұмысын  таныстыру  мақсатында  жылжымалы  көрме  апару  көзделді. Осы мақсатпен,  шілденің 20-сы  күні  Қарашатау, 21-і  күні  Әйке  елді  мекендеріне  музейдің ескі, бағалы экспонаттары  апарылып, түсіндіру  жұмыстары  жүргізілді. Көрме  соңында  елімізге  белгілі, әнші – сазгер Д.Сағынтаев жеке  ән  кешін  өткізіп, халықты бір  қуантты.

14-15 шілде аралығында Ақтөбе облысында «Туған жерім – нұрлы елім!» атты Әйтеке би ауданы күндерінің өтуіне байланысты «Руханият жүрегі - жәдігер» тақырыбындағы этнографиялық жылжымалы көрме

Шілде  айының  14  күні,   сағат таңғы 7:30-да  Ақтөбе  қаласының жергілікті   Рика  Тв  телеарнасы  ұсынатын  «Арайлы таң»  бағдарламасына  Әйтеке  би  аудан  әкімінің  орынбасары  Б.И.Мулькаев   пен  аудандық  музей  қызметкері   А.Жалмуханбетов   сұхбат  берді. Сұхбат  барысында  аудан  музейлерінің  жай-күйі, мәдени-ескерткіштердің   хал-ахуалы, халықтан  экспонаттарды  жинау  жолдары,  туризмді   дамыту  тетіктері  сөз  болды.

Қазақстан Республикасының рәміздеріне 25 жыл «Мемлекеттік рәміздер – қасиетті құндылықтар» (ақпараттық – танымдық сағат)

Әйтеке  би  аудандық  «Халықтар  достығы»   музейінде   2  маусым  күні  Қазақстан   Республикасының  рәміздерінің   25 жылдығына  байланысты «Мемлекеттік рәміздер – қасиетті  құндылықтар»  ақпараттық – танымдық  сағат  өткізілді.

Шараға   қатысушы  қонақтар:  Әйтеке  би  аудан  әкімінің  орынбасары  Б.И.Мулькаев, аудандық  маслихат  хатшысы  Е.Б.Таңсықбаев, Әділет  басқармасының  басшысы  Ж.А.Байбашева,  «Нұротан»  партиясы   Әйтеке би аудандық  филиалының төреағасының  бірінші  орынбасары  А.Ж.Өмірзақова, аудандық  кітапхана  директоры  Г.Е.Қоянбаева  және  аудандық  көпсалалы  колледж  мұғалімдері  мен студенттері  келіп  қатысты.

1.jpg2.jpg3.jpg4.jpg5.jpg6.jpg7.png1.jpg2.jpg3.jpg4.jpg5.jpg6.jpg7.png