Әлемнің мәні – әйелде

7-наурыз күні аудандық музей залында Халықаралық  әйелдер  мерекесіне  байланысты «Көңілден кетпес бір бейне»  тақырыбында  мерекелік  шара өтті. Шараға сыйлы ана А.Ержанова, музей ардагері Г.Шматова, аудандық мәдениет және тілдерді дамыту бөлімінің басшысы Қ.Жарымбетов,  аудандық мәдениет үйі әдіскері Ш.Бекназарова, аудандық Саз мектебінің директоры Ш.Берсүгірова, аталмыш ұйымның оқу-ісі меңгерушісі А.Әбенова, кітапхана қызметкері А.Ермағамбетова, М.Жұмабаев орта мектебінің 6-сынып оқушылары және сынып жетекшісі Б.Қонысбаева қатысты.

Алғыс деген ел сыйы

01-наурыз Алғыс айту күніне орай Әйтеке би аудандық музейінде «Алғыс – ризашылық белгісі» тақырыбында мәдени-рухани шара өтті. Шараға аудандық газет тілшісі Е.Әбдіраев, аудандық мәдениет үйінің әдіскері Ш.Бекназарова, мәдениет және тілдерді дамыту бөлімі мен және т.б. мекеме қызметкерлері, Т.Жүргенов орта мектебінің 5-сынып оқушылары мен сынып жетекшісі Г.Бегімбаева қатыстырылды.

"Мәңгілік елдің мәдени мұрасы"

20-ақпан күні Елбасының «Болашаққа бағдар: Рухани жаңғыру», «Ұлы даланың жеті қыры» мақалалары аясында  "Мәңгілік елдің мәдени мұрасы" атты облыстық фестивальге аудандық іріктеу кезеңі өткізіліп, келуші қонақтарға қолөнер шеберлерінің, аудандық музейдің көрмесі қойылды. Көрмеге этнографиялық экспонаттар қойылып, көне жәдігерлердің жасалу жолдары түсіндірілді.

«Ауғанның от-жалыны» тақырыбында ақпараттық-танымдық кеш

11-ақпан күні аудандық музей залында  Кеңес  әскерлерінің  Ауғанстаннан  шығарылуының  30-жылдығына байланысты«Ауғанның от-жалыны»тақырыбында  ақпараттық-танымдық кеш өтті. Шараға ауған соғысының ардагерлері Самат Молдағалиұлы, Жалғасбай Сапаұлы, Руслан Әбдіғазиұлы, Бекболат Сухамбердіұлы, т.б. және ішкі саясат бөлімінен Г.Барлыққызы, Н.Жылқыбайұлы, мәдениет және тілдерді дамыту бөлімінен Қ.Досұлы, аудандық саз мектебінің қызметкері Н.Тілеужанов, Т.Жүргенов орта мектебі мен М.Жұмабаев орта мектебінің тәрбие ісінің ұйымдастырушылары Н.Бақытұлы, Р.Нұржанова және сынып жетекшілері мен әскери дайындық пәнінің жетекшілері А.Сарманов пен А.Жармедетов, 9-10 сынып оқушылары қатыстырылды.

Ботай қонысы: Атқа міну мәдениетінің бастауы

17 қаңтар күні Әйтеке би аудандық музейінде Елбасының «Ұлы даланың жеті қыры» мақаласы аясында «Ботай қонысы: Атқа міну мәдениетінің бастауы» атты ақпараттық сағат өтті.  Ақпараттық сағатқа аудандық ішкі саясат бөлімі басшысының м.а. Н.Көшеров, мәдениет бөлімінің бас маманы А.Ажигалиева, М.Жұмабаев атындағы орта мектебінің тәрбие ісі орынбасары Р.Нұржанова, тарихшылар Б.Ержанов, С.Ермағанбетов, Т.Жүргенов атындағы орта мектебінің тарихшысы М.Бижанов пен аталмыш мектептің 10-сынып оқушылары қатысты.

«Тарих танытқан тұлғалар»

06 желтоқсан күні Әйтеке би аудандық музейінде Елбасы Н.Ә.Назарбаевтың «Ұлы даланың жеті қыры» мақаласы аясында «Тарих танытқан тұлғалар» атты ел перзенттерін ұлықтау шарасы өтті. Шараға аудандық мәдениет және тілдерді дамыту бөлімінің басшысы Қ.Жарымбетов, Ішкі саясат бөлімінің бас маманы Н.Көшеров, кітапхана қызметкерлері, М.Жұмабаев атындағы орта мектептің 8 сынып оқушылары, көпсалалы колледж студенттері және мұғалімдер қауымы қатысты.

Көшпелі көрме кереметтері

14 қараша күні облыстық тарихи-өлкетану музейі ашылды. Жаңа облыстық тарихи-өлкетану музейінде әзірге бес экспозициялық зал ашылған. Бірінші зал батыс өңірінің, Ақтөбенің флорасы мен фаунасына арналды. Сонымен қатар, ежелгі дәуірдің аң-құстары, пайдалы қазбалар туралы толық мәлімет бар. Сонымен қатар, археология, «Алтын зал», «Қазақ хандығы», «Дала дәлмарлары» секілді арнайы бөлімдер қарастырылған. Музейдің ашылуы Президенттің көшпелі музейінің келуімен тұспа-тұс келді.

1.jpg2.jpg3.jpg4.jpg5.jpg6.jpg7.png1.jpg2.jpg3.jpg4.jpg5.jpg6.jpg7.png