20 – сәуір  күні  аудандық  «Халықтар  достығы»  музейінде   «Мәңгілік  ел - біздің  ұлы  және  лайықты   Қазақстан»   атты  Т.Жүргенов  атындағы  орта  мектептің 10-сынып  оқушыларының  қатысуымен  пікір-сайыс  өткізілді. Пікір-сайыстың  негізгі  мақсаты   өркендеуге  нық  қадам  басқан  Қазақстанның  алдағы  уақытқа  қойған  Мәңгілік  ел  стратегиялық  жоспарын   түсіндіру,  маңыздылығын  талдау. Пікір -сайыс  барысында  оқушыларға   еліміздің  арғы-бергі  тарихынан  сұрақтар  қойылып,  электронды   форматтағы   сөзжұмбақты   ұжым   болып  шешімін  табу  тапсырылды. Мәңгілік  ел  стратегиясының  басым  бағыттары  түсіндіріліп, әр  оқушы  жеке  ойларын  ортаға  салды.

19- сәуір  күні  аудандық  «Халықтар  достығы»  музейі мен   Жастар  ресурстық  орталығы  бірлесіп,  «Сыбайлас  жемқорлықпен  күрес- ортақ  іс»  тақырыбында  кездесу  кешін өткізді.  Кездесу  кешіне  Жастар  ресурстық  орталығының  ұжымы,  Әйтеке  би  аудан  әкімдігі  аппаратының  ұйымдастыру және  мемлекеттік  құқықтық  жұмыстар бөлімінің  бас  маманы Қабылдин  Семетей  Қабдылдаұлы,  және  колледж  студенттері  қатысты. Кездесу  кешінің  мақсаты:Жастардың адам құқықтары жайлы түсініктерін қалыптастыра отырып, «Жемқорлық» қоғамымыздағы алаңдатып отырған келеңсіз көрініс екенін ұғындырып, өз ойларын еркін жеткізе білу қабілеттерін дамыту, дүниетанымдарын кеңейту.

 Ресей Федерациясы Орынбор облысының шекаралас аудандарында

 «Наурыз мейрамы» мерекесіне арналған  31 наурыз – 1сәуір  аралығында Әйтеке би ауданы бойынша белгіленген РФ Светлый ауданы, Светлый селосында  іс –шаралар ұйымдастырылып өткізілді.

Ұлттың ұлт болып қалыптасып дамуы үшін ұлттық құндылығымыздың маңызы ерекше.

        Кез келген ұлттың толыққанды ұлт болып қалыптасып дамуы үшін оның ұлттық санасы, ұлттық құндылығы және ұлттық мүддесі болуы керек.   Ендеше  өткенімізге көз жүгіртсек, қазақ халқы өз алдына дербес мемлекет болып, көшпенді өмір сүргенде рулық сана басым болды. Сондықтан ұрпақтарымыздың ұлттық құндылықтарды бойына сіңіріп, ел қамын, жер қамын ойлайтын азамат етіп тәрбиелеу  баршамыздың  міндетіміз.

Кең болсын қазағымның керегесі,

Кетпесін Алла берген  берекесі.

Алаштың баласына нәсіп болған,

Құтты болсын НАУРЫЗ мерекесі!

Мақсаты: «Наурыз» мейрамы туралы түсініктер беру арқылы қазақ халқының салт - дәстүрін көрсету және оны құрметтей білуге  бейімдеу.  Наурыз мерекесінің қазақ даласындағы орны, ұлттық салт - дәстүр, әдет-ғұрпымызбен   байланыстыра  отырып,  өз  ұлтымызға   деген  сүйіспеншілігімізді  арттыру  барысында  18.03.2017  жылы  аудандық «Халықтар достығы» музейінде «Ұлыстың  Ұлы  күні-Әз Наурыз»  тақырыбында  мерекелік  шара  ұйымдастырылып  өткізілді.

Ана  десем  ашып  жанары,

Өмірімнің   бастау   алар   ажары

Ана  деген   тіршілікке   пана  боп,

Әрбір   үйде  жұлдыз   болып   жанады.

тақырыбында   аудандық    музейде   аналарға   арналған   мерекелік   шара ұйымдастырылып  өткізілді.

Мақсаты: Ана жайлы тамаша сөздер, өлеңдер, әндер арқылы ардагер, ұстаз-аналар мен аруларды, барша  аналарды  төл  мерекелерімен құттықтау, оқушыларды мейірімділікке, ұстамдылыққа тәрбиелеу, ата-анаға деген құрмет  сыйын арттыру, ана еңбегін қадірлей білуге үйрету.

Шараға  арнайы  шақырылған   қонақтар   және  М.Жұмабаев  орта  мектебі,   Саз  мектебінің  аналары   және аналарға  арнайы  сәлемдеме  жолдау  барысында   Хасен  А, С.Жұбаныш, Жұмбаев  И,  Зейін Б  мен  «Назерке»  би  тобы  қатыстырылды.  

          Аудандық  музей залында  «Алғыс-ризашылық белгісі»  тақырыбында   мәдени - шара  ұйымдастырылды. Алғыс  айту  күніне  байланысты  арнайы  аудандық  ардагерлер  кенесінің  төрағасы,  ауданның  Құрметті  азаматы, еңбек  ардагері  Д.Ержанов,   Алтын  алқа  иегер  аналар  Байділдина  Ш,  Көнекбаева  Х   және   М.Жұмабаев  атындағы  орта  мектебінен   жетекшісі  Мералина  З.С, 7- сынып  оқушылары, Саз мектебінің «Шұғыла»  би  тобы  мен  аудандық  тілші  қатыстырылды.